I Thailand har kvar vekedag sin farge. Eigentleg relatert til gammal indisk astronomi, der gudane til planetane og andre himmelobjekt, har ulike fargar.
Såleis er til dømes mandagen gul etter måneguden Phra Chan. Og sidan den mykje heidra kongen i Thailand, Bhumibol, er fødd på ein mandag, kler veldig mange thaiar seg i gult. Det er liksom blitt Thailands farge. Men også blå klefarge er å sjå, fordi dronning Sirikit er fødd på ein fredag. Blått er fredagsfargen etter guden for Venus, Phra Suk.
I dag er det onsdag. Fargen for onsdag er grønn etter guden for Merkur, Phra Phut. Eg tenkte difor å kle meg i grønt idag, men akk slik farge har ingen av mine korte short. Men det høver jo godt at eg er grønn i trynet då pga denne diareen.
I morgon er det torsdag og fargen er orange. Eg ser fram til det.
Ingen kommentarer:
Legg inn en kommentar