Ein heil gris gjekk til igår. Han låg blodig på grillen, når me møtte fram kl 19. Det var eit kanarisk svin med varme i blikket og grillolje bak øyro. Etter 2 timar låg kotelettene hans på tallerken min.
Me delte bord med to sunnmøringar. Dei visste å grava til seg. Det gjer jo slike folk. At fyren hadde jobba seg opp frå gravemaskinkøyrar i 1964 til velhalden entreprenør i dag, viser at han hadde næringsvet. Han og kona kjøpte to husvære mens dei var her.
Eg hadde ikkje liknande karriere å skryta av. Men på dansegolvet slo me dei. For mens kona og eg svingde oss til spelemannens nostalgiske svisker, sat sunnmøringane att ved bordet bordet og veiva.
I natt tordna det. Kl 04 vakna eg. Det er vanleg at eg gjer det på den tida. Eg trudde med det same at det framleis var sunnmøringen som buldra , men nei. Ikkje var det kona si snorking heller, ho søv jo på eige soverom og eg på mitt. Det var beint fram eit skikkeleg nordisk toreskrall som rulla mellom kanariberga. Og ikkje berre eit. Regnet som fulgte er ennå ikkje heilt slutt.
Kona sitt i bikini i døropninga akkurat langt nok ute til at sola mellom skyene rekk i henne, men ikkje så langt ute at regnet som skya tidvis slepp frå seg, treff boka ho les i. Ho er smart kona.
Sjølv sit eg godt planta i sofaen. Eg blir her til så lenge.
Vitjingar sidan 25.06.2010
tirsdag 25. januar 2011
Sunnmøringar og andre naturfenomen.
Abonner på:
Legg inn kommentarer (Atom)
Eg ser på værmeldinga og les kva du skriv om været. Det ser ikke lovande ut for denne veka, NRK har ukeoversikt, og den er regn,regnbyer og kraftig regn og kuling til over helga. Men på mandag ser det litt lysare ut, då kjem vi, 4 mannsterke frå Stavanger og vi tar godt vær med oss. Kor vi får lov å bo, veit vi ikkje, men vi har valgt den sørlige delen, så det kan jo være hvorsomhelst. Regner med vi sees i neste uke. Mange hilsener fra Gunhild, Linda, werner og Bente.
SvarSlettHyggeleg det. Ta kontakt
SvarSlettGunnar