Å skriva blogginnlegg her i Villas Capistrano krev sin mann. Det trådlause nettverket er plassert med sin router i resepsjonen og rekk sjølvsagt ikkje ned til oss som bur nokre kvartal nede i bakken. Med Pc-en under armen legg eg difor i veg. Oftast om morgonen like etter frukost. Då er det oppvasktid i leiligheten, og difor eit høvleg tidspunkt til å ha noko anna å gjera.
I resepsjonen som er liten, får eg låna eit mobilt pc-bord av den typen dei sel på Nytt og Nyttig i Haugesund. Eg har maken til det heime, men ikkje visste eg at Hardtvedten hadde vore her å selt bord. I respsjonen jobbar tre spanjolar. To einegga menn og ei kjekk, vaksen kvinne. Dei pratar som to mitraljøser og ein maskinpistol, når dei snakkar morsmålet. Engelsken deira skjønar eg meir av, heldigvis.
Folk rek innom hit. Gir meg ikkje arbeidsro ved Nytt og Nyttigbordet. Nokre vil ha taxi bestilt, andre søkjer råd om fotturar i fjellet og atter andre vil ha kattane vekk frå området. Å sitje her å skriva og lytta er effektiv utnytting av tida. Mykje informasjon tilflyt meg, utan at eg treng å anstrenga meg i det heile.
Gårsdagen vart nytta til grottebesøk. Ein halv time spasertur frå bustaden vår ligg nokre av verdas flottaste grotter. Dei vart opdaga så seint som i 1958 av nokre gutungar. Dei lurte på kor alle flaggermusene i området opphaldt seg om natta, og sette seg føre å finna ut av det. Slik fann dei den då svært trange inngangen til denne kjempegrotta der ein kan vandra i, om ikkje timevis, så iallfall ganske lenge. Desse gutane la grunnlaget for ein stor turistatraksjon og ei feit inntektkilde for området.
Kari og Helge som bur i nabobyen Torrox var med oss i grotta. Kjekt, særleg å ha Kari med. Ho har jo ein geologibakgrunn, og ser meir enn eg elles ville fått auge på. Etter utflukta bussa med attende til leiligheten, der det blei basseng som forrett, pizza med salat som hovudrett og raud Sangre de Toro som leskedrykk.
I dag vil med bada i Middelhavet denne havarmen som skjer seg inn mellom Afrika og Europa. Der ser eg fram til å plaska litt.
.
Merkelig med disse mitraljøsene og maskinpistolane. En liten episode fra vi var der: En butikkinnehaver spør oss hvor vi er fra. Vi forteller vi er fra Norge. Han sier: "Det kan jeg se med en gang, dere har en helt annen framtoning og går så stille og snakker så rolig. Han peker inn i butikken og sier: Der ser dere en vanlig spansk familie - det var tre personer som gestikulerte vilt under diskusjonen om diverse varer, og man kunne høre de på lang avstand. Derfor ser jeg forskjellen, sa han. Besøker bloggen i morgen, for å se om du har lurt deg unna oppvasken igjen.
SvarSlettTorsdag 23.9. - Forstår du har blitt "presset" til å ta oppvasken i dag. Jaja, må vel ha litt ferie Svanhild og. - dessuten er det jo ofte mye vi skal ha med oss når vi er på ferie, så blogging blir vel litt av et ork. Slapp av og nyt ferien - dagene går så altfor raskt.
SvarSlettSvanhild tok nok oppvasken i går og, men ikkje før til kvelden. Vi var i utlandet og reiste tidleg
SvarSlett