I eit land der ei kvar utmark kan konkurrera med ein gjennomsnittleg hage heime på Husnes, kan ein undra seg på kva utfordringar som må ligga i å opparbeida og stella ein hage her i Thailand. Det er ikkje dei blå temperaturane eller dei brune sneglane som er utfordringane her. Eigentleg er mulighetene tilnærma uendelege når det gjeld det meste innanfor botanikken. Det er vel helst snakk om å avgrensa og tilpassa utvalet av planter. Det meste veks her.
I dette landet er det ein gammal tradisjon å dyrka planter i potter. Denne tradisjonen skuldast trongen for at plantene var berbare. Det var avgjerande når store, ofte årlege flaumar herja. Då måtte plantene berast opp på opne verandaer. Anten det nå var frukttrær, urter eller godlukt-blomar, som Thai kvinna trong for å pynta seg med, smaksetta mat og luktsetta klær, eller for ofring til familien sitt Buddha-bilete.
Eg kjenner ei kvinne i Thailand, som har sine røter på Sotra. Veit du kva landsby ho bur i, er det ikkje mogleg å gå forbi hennar hage utan å stansa opp og nyta syn, lukter, og lydar. Som ei ekte Thaikvinne, steller og ho sin hage med kjærleik og attrå. Som på ekte Thaivis, deltek mannen i hagearbeidet i avgrensa grad. Men han deler nok hennar glede over resultatet, og likar når ho pyntar seg og huset med godsaker frå denne Thailandske sereptakrukka.
Eg og fotoapparatet mitt fekk vandra med Harriet rundt i hagen hennar ein dag. Eg fekk berre med eit utval av alt som er å nyta der. Du kan sjå lysbileteserien der vekstene er namnsett av Harriet, ved å klikka her. God fornøyelse
Det var et vakkert skue. Ja, det går an å få til fine vekster der hvor temperaturen ligg godt tilrette for dyrking. Her er vi mer prisgitt den Europeiske værguden. Akkurat nå, er hagen fortsatt kvit og kald, men er jo også vakker som et julekort når sola glinsar i snøkrystallane. Det går vel raskt nå mot hjemtur. Sikre dere med godt med klær, for snøen ligg kvit heilt til Roma. Gunhild.
SvarSlett