Idag heng tåkeskyene lågt over Halsenutane. Stundevis styrtregnar det. Regnet var meldt, så eg jobba hardt i gårkveld for å tetta den nybygde gass- og vassbua skikkeleg. Eg og naboane på begge sider av meg sjaua det me orka i den varme og fine sommarkvelden. Me var alle einige om at mitt agregat bråka mest. Dei andre har nye, flotte Honda-agregat. Eg har eit russisk produsert, som eg kjøpte svært brukt i Uskedalen for 9 årsidan. Eit som berre eg kan starta og stoppa. Men det humpar og går, når det er i rette lunet. Dessutan sparar det meg for myggolje. Det er ikkje observert mygg på 10 meter omkrins, når Kenoen spyr ut sin blåsvarte eksos. Men så krev det til gjengjeld saftig, blyhaldig drivstof. Eg mata bensinen med nokre makalause dropar som gjer han blyhaldig. For blybensin forsvann jo frå pumpene for lenge sidan. Nå er det eg og nokre veteranbilar som etterspør slikt stoff.
Til liks med veteranbilane, flyttar agregatet,mitt seg sakte bortetter vegen. Om eg ikkje tjorar det mens eg jobbar, vert ledningen til sirkelsaga for kort. Det nappar seg liksom laus frå arbeidsoppgåvene. Eg trur det vil på fjelltur. Eg har slått ein pele i bakken, og tjora det til den. Nett som å ha ein olm okse i band. Det er ikkje å undra seg over at myggen tek skrekken.
Eg har hørt om vaskemaskiner, nye og gamle, som oppfører seg slik som agregatet ditt. Eg er blitt fortalt at de har prøvd å henge ut klærne selv. Men som regel har det vært misforstått. Enten har de glemt å fjerne støtteemballasje i trommelen ved nye maskiner, eller så har det vært defekt trommel ved gamle.
SvarSlettJa du held iallefall ville oksar borte frå hytta då- og anna utyske. Turid
SvarSlett